الاثنين 28 فبراير 2022 12:46 مساءً - قال الرئيس عبد الفتاح السيسي،: “الناس خرجت في 2011 لأن حالة الرضا المجتمعي مكنتش موجودة، الناس مكنتش مبسوطة بس هي مش عارفة هي مش مبسوطة ليه، ناس مش راضية بس هي مش عارفة هي مش راضية ليه، مفيش حاجة مكفية مفيش مدرسة كويسة مفيش تعليم كويس، وبدل ما نقول إحنا المواطنين أدائنا متواضع عملنا الدولة خصم”.

وتابع الرئيس السيسي، خلال فعالية المشروع القومي لتنمية الاسرة المصرية بمركز المؤتمرات الدولية “الماسة” بالعاصمة الادارية الجديدة، بحضور عدد من الوزراء والمسئولين، اليوم الإثنين،: “أنا دايما هدفي الحفاظ على الدولة المصرية وعدم انزلاقها مرة أخرى للخراب والدمار اللي كانت ممكن توصله في 2011 نتيجة أسباب حقيقية وهي أن الناس تعبانة وعايزة تغير بس تغيره ازاي، ونعمل حاليا على تغيير أسباب تردينا”.

وأضاف: “عايز مدارس حقيقية مش الناس تغشش ولادها عشان تاخد شهادة وتيجي تقول شغلهولي بقى، هذا هو الواقع وسبب تردي هذه الدولة”.